Lopetegui nuk ka të dashur të flasë për Ronaldon, nëse ai do të bëjë diferencën në sfidën Spanjë – Portugali.
Gjatë ditës së premte është hedhur shorti për Kupën e Botës që do të mbahet në Rusi vitin e ardhshëm ku Spanja dhe Portugalia do të luftojnë për vendin e parë në Grupin B.
Trajneri i Spanjës, Julen Lopetegui, ka vetëm fjalë të mira për Portugalinë, me të cilën skuadër do të përballet në Botërorin e Rusisë, por nuk ka dashur të flasë për Cristiano Ronaldon kur është pyetur nëse ai do të bëjë diferencën.“Cristiano Ronaldo? Nuk është koha të flasim për emra. Ata janë ekip shumë i mirë.
Portugalia është kampione e Evropës. Janë ekip i organizuar”, tha trajneri i Spanjës.Në Grup gjenden edhe Maroku dhe Irani, rivalë jo të denjë në letër për Spanjën e Portugalinë, përgatiti ”Gazeta Express”. (b.an)
