Luftëtari pësoi një humbje shokuese në sfidën përballë Kastriotit, një humbje në shifrat 5-1 çka ka bërë që trajneri Gentian Mezani të ngre alarmin. “Me këtë grup që kam në dispozicion, gjirokastritet do të bien nga Kategoria”, u shpreh ndër të tjera trajneri i Luftëtarit në intervistën e tij për “SuperSport”:
Si mund të shpjegohet një humbje e tillë?
Nuk ka fjalë për këtë humbje. Komplimente kundërshtarit. Treguan forcë karakter. Ne nuk kemi cilësi dhe dëshirë në fushë. Dhe gabimet ndikuan. Unë kam kaq kohë që flas me drejtuesit, nuk kemi skuadër për Superligë. Fjalët e mia kanë kaluar në vesh të shurdhër.
Sa e vështirë do të jetë të motivoni skuadrën?
Nuk ka lidhje humbja, aq sa ka ajo që humbëm në shtëpi me kundërshtar direkt. Nuk është çështje motivimi, unë nuk kam lojtar. Pres por, pa ndodhur asgjë. Nuk kemi lojtar dhe nuk po stërviten, ne nuk i kemi fare lojtarët. Shpresojmë të vinë. Unë nuk kam ardhur të rrëzojë Luftëtarin nga Kategoria. Më vjen keq për këta tifozë.
A ju surprizoj kundërshtari, apo nuk e kishit përgatitur mirë?
Këto janë cilësitë, nuk ka faji përgatitja. Lojtarët që kanë luajtur gjatë dy fazave të para kanë ikur. Është gjysma e skuadrës që më mungon sot, më besoni kjo është forca jonë. Ky kontingjent është për të rënë nga Kategoria, më vjen keq jemi të rënë nga kategoria.
Deklaratë e nxituar…
Unë nuk po them se kam lojtarë. Unë po them se nuk kam lojtarë në dispozicion. Kjo gjë më shqetëson. Do jeni pjesë e kësaj skuadre, nëse deri në fund të meraktos nuk vijnë lojtarë? Unë shpresoj, sepse e kam marrë OK-in nga drejtuesit, që disa lojtarë do vijnë. Nuk dua të mendoj se do jap dorëheqjen. Do mundohem të bëj punën time deri në fund. Nuk mendoj se Luftëtari meriton të jetë në këtë gjendje. (BW)
