Një ngjarje e rëndë ka ndodhur në Seregno të Italisë, ku një shqiptare 34-vjeçare është masakruar me thikë.
Sipas mediave italiane, autori i krimit të rëndë është bashkëshorti i saj, një shtetas maroken i moshës 35-vjeçare.
Ai e ka qëlluar disa herë me thikë shqiptaren dhe më pas, në kushtet e gjendjes së rënduar psikologjike i është drejtuar komisariatit të policisë ku ka rrëfyer atë që kishte ndodhur.
Shqiptarja ka mbërritur në spitalin San Gerardo në Monza, por ka vdekur pak minuta më pas me gjithë ndihmën që iu dha.
Raportohet se dy bashkëshortët, të cilët kanë një fëmijë 5-vjeçar, prej rreth dy muajsh nuk jetonin më bashkë. Identiteti i viktimës dhe agresorit nuk bëhet ende i ditur nga media./a.m.
