Një grua është djegur e gjallë nga talebanët vetëm se këtyre të fundit nuk u ka pëlqyer gjella që ajo kishte gatuar. Një ish -gjykatëse nga Afganistani tha për Sky News se ajo ka folur me gratë në atë vend dhe ka dëgjuar dëshmi të tmerrshme. Sipas saj, një grua është djegur pasi nuk gatoi mirë një gjellë.
“U dogj në zjarr sepse u akuzua për gatim të keq për luftëtarët talebanë, në veri të Afganistanit. Ata po i detyrojnë njerëzit tu japin ushqim dhe të gatuajnë për to. Gjithashtu, ka kaq shumë gra të reja që po dërgohen në vendet fqinje në arkivole për tu përdorur si skllave seksi. Ata gjithashtu detyrojnë familjet të martojnë vajzat e tyre të vogla me luftëtarët talebanë,”- tha ish-gjyqtarja.
Unë nuk e shoh se ku është premtimi që ata mendojnë se gratë duhet të shkojnë në punë kur ne po shohim të gjitha këto mizori.
Ayoubi ishte gruaja e parë gjyqtare në krahinën e saj para se grupi i talebanëve të merrte kontrollin. Ajo luajti një rol të madhenë procesin e krijimit të kushtetutës së Afganistanit pasi talebanët u rrëzuan në 2001. Ajo kërkoi azil në SHBA pasi talebanët e kërcënuan atë dhe tashmë jeton në Amerikë./m.j
