Një ngjarje tragjike raportohet të ketë ndodhur në rrethin e Pogradecit pasditen e së dielës. Dy persona rezulton se janë mbytur aksidentalisht në një rezervuar, teksa kishin dalë për peshkim.
Policia thotë se në rezervuarin e fshatit Bradomirë, duke peshkuar, dyshohet të jetë mbytur dhe për pasojë ka gjetur vdekjen shtetasi Arben Pupa, 50 vjeç, banues ne fshatin Bletas.
Trupi i tij është gjetur dhe është nxjerrë nga uji prej banorëve të fshatit dhe shërbimeve të Policisë në vendngjarje.
Dyshohet se viktima, ka dalë për të peshkuar së bashku me shtetasin Ramazan Kojtari, 56 vjeç, banues në fshatin Bradomirë, për të cilin po vijojnë kërkimet si dhe pritet ardhja e polumbarëve, për të bërë të mundur gjetjen e tij.
Grupi hetimor po punon për sqarimin e plotë të rrethanave të ngjarjes.
/a.rada
