Një ngjarje e rëndë ka ndodhur në Gjirokastër, një i moshuar 77 vjeçar është gjetur i vdekur në oborrin e shtëpisë nga vetë familjarët e tij.
Pranë trupit të shtetasit me inicialet R.O kishte një armë gjahu dhe një gëzhojë e cila i ka marrë jetën të moshuarit.
Mbetet mister se përse i moshuari ka vendosur t’i japë fund jetës së tij por policia sqaron se sipas familjarëve, ai vuante nga skleroza.
Njoftimi i policisë:
Më datë 06.01.2018, rreth orës 06:30, në fshatin Fushëbardhë, në oborrin e banesës, është gjetur i vetëvrarë me armë gjahu teke, shtetasi R.O., vjeç 77, i cili vuante nga skleroza.
Me cilësinë e provës materiale u bllokua arma e gjahut teke e markës “CBS”, me nr. 1580252, kalibër 12 mm, një gëzhojë markës “Moden Nobël Sport 12” dhe leja e armës. Materialet u referuan në Prokurorinë e Rrethit Gjyqësor Gjirokastër, për ngjarje aksidentale.
