Një ngjarje e rëndë ka ndodhur mbrëmjen e kaluar në Poitiers, Francë pasi një shtetas shqiptar ka vrarë një 34-vjeçar.
Mediat franceze raportojnë se një 30-vjeçar shqiptar ka vrarë me thikë djalin me të cilin ndante qiranë për motive fetare. Menjëherë pas ngjarjes së rëndë shqiptari i ka dërguar një video në ‘Snapchat’ një fqinji të tij dhe i ka treguar për atë që kishte ndodhur. Ishte ai që lajmëroi Policinë natën e së martës 14 shkurt deri të mërkurën 15 shkurt 2023. 34-vjeçari u gjet i pajetë në dyshemenë e banesës së tij.
Kompleksi me qira i ndërtuar në vitet 1980 është shumë i madh, me 300 apartamente në disa kate. Vetëm fqinjët më të afërt e kuptuan se diçka nuk shkonte. Ndërsa njëri dërgoi një mesazh në “Snapchat”.
