Një aksident tragjik me pasojë dy të vdekur ka ndodhur në Devoll pak pas mesdite. Ngjarja e rëndë ndodhi në aksin rrugor Korçë-Kapshticë, në afërsi të fshatit Progër. Në aksident mbetën të vdekur dy vëllezër të moshës 17 dhe 23 vjeç. Sipas policisë, në këtë ngjarje tërëndë humbën jetën shtetasti e identifikuar Bujar Telo 23-vjeç dhe 17-vjeçari Simon Telo.
Sipas policisë, në aksident u përfshirë një motor dhe një veturë. Kjo e fundit përplasi motorin ku udhëtonin dy vëllezërit, duke shkaktuar për pasojë vdekjen e tyre.
Njëri prej vëllezërve, konkretisht drejtuesi i motorit ndërroi jetë në vend ndërkohë pasagjeri humbi jetën gjatë transportimit për në spital.
Policia ka nisur hetimet për shkaqet e ngjarjes së rëndë ndërkohë raportohet se është shoqëruar drejtuesi i makinës./a.m.
