Një tjetër përplasjeje avioni që kishte ndodhur në të njëjtin lumë në Uashington 43-vjet më parë.
Ishte 13 janar 1982 kur një aeroplan i Air Florida u rrëzua menjëherë pas ngritjes me një numër tragjik prej 78 të vdekur.
Fluturimi 90, i nisur për në Fort Lauderdale, kishte goditur një urë përpara se të përplasej në lumin Potomac të ngrirë në atë kohë.
Momenti kur Fluturimi 90 i Air Florida u rrëzua në lumin Potomac në Uashington DC në 1982.
Në atë moment në avion ndodheshin 70 persona, ndërsa ekuipazhi ishin 4 të tjerë. Kanë humbur jetën edhe 4 persona të tjerë që ndodheshin në makinat e tyre në urën ku u rrëzua avioni.
Një hetim i autoriteteve amerikane kishte vënë në dukje neglizhencën e shumëfishtë si shkak të rrëzimit të avionit, më themelorja prej të cilave ishte se krahët dhe motori nuk ishin pastruar nga akulli dhe bora në pritje të ngritjes.
Hetimi kishte bërë përgjegjës pilotin e avionit për mos anulimin e ngritjes pavarësisht se ishte informuar për kushtet e pafavorshme.
