39 emigrantët që vdiqën të kyçur në një kamion frigoriferik në përpjekje për të hyrë në Britaninë e Madhe janë përpjekur me thonj të dalin nga varri i tyre i paracaktuar, teksa në muret e brendshme të kamionit dhe në dyer janë gjetur gjurmë gishtash me gjak.
Raportet në media tregojnë se viktimat kanë luftuar për të dalë nga kamioni frigoriferik ku temperatura mbërriti në minus 25 gradë Celsius. Policia gjeti shenja gishtash me gjak në derën dhe pjesën e brendshme anësore të tij, çka tregon se emigrantët kanë tentuar t’i gërryejnë me thonj. Disave prej kufomave, u kishte dalë shkumë nga goja.
Kamioni me 39 persona u nis nga Zeebrugge in Belgium dhe vetëm në Essex të Briatnisë së madhe u konstatua prania dhe vdekja e tyre, shkruan “Daily Mail”.
Ndërsa departamenti i policisë së Essex raportoi se në mjetin ku gjetën vdekjen 39 persona, janë gjetur trupa të gjakosur dhe gjurmë gjaku në derën e “arkivolit metalik”.
Mendohet se tetë gratë dhe 31 burrat, gjysmë të zhveshur, që tentuan të kalojnë në Britaninë e Madhe, pasi kanë thirrur për ndihmë, janë përleshur me njëri tjetrin në tentativë për të dalë jashtë kontejnerit frigorifer.
Ata ishin të veshur keq dhe shumë prej tyre ishin lakuriq. Mendohet se 8 prej tyre janë të nacionalitetit vjetnamez.
Policia deri tani ka arrestuar 4 persona si të përfshirë në ngjarje.
Dje u identifikua viktima e parë, një 26-vjeçare vietnameze, dhe mesazhet që ajo i kishte dërguar nënës së saj.
Familja e Pham Thi Tra tha për BBC se vajza e tyre pagoi 30 000 paund për të shkuar në Britani “në kërkim të një jete më të mirë”.
Mesazhi i Pham Thi Tra u dërgua 2 orë përpara se kamioni të hynte në Mbretërinë e Bashkuar nga Belgjika.
g.kosovari
