Të paktën 32 persona humbën jetën dhe dhjetëra të tjerë u plagosën si pasojë e një zjarri që përfshiu një lokal ku këndohej karaoke në qytetin e Ho Chi Minh në Vietnam.
Zjarri ra në katin e parë të ndërtesës duke bërë të pamundur që personat që ishin brenda të dilnin nga dera kryesore. Për të shpëtuar, disa persona u hodhën nga kati i tretë.
Zjarrfikësit shkuan menjëherë në vendngjarje sapo u njoftuan, ndërkohë që shkaqet e nisjes së zjarrit janë ende të paqarta.
Sipas një zëdhënësi të Ministrisë së Sigurisë viktimat janë 17 burra dhe 15 gra, ndërkohë që në lokal në momentin e ngjarjes ndodheshin mbi 60 persona./m.j
