Nuk kanë të sosur tragjeditë e emigrantëve që vijnë nga vendet në konflikt të Lindjes së Mesme apo Afrika. Disa muaj pasi fotot e vogëlushit sirian Aylan bënë xhiron e Botës, historia përsëritet sërish.
Autoritetet turke kanë rekuperuar në brigjet e Egjeut trupat e të paktën 21 emigrantëve, mes të cilëve edhe disa fëmijë, të cilët kanë vdekur gjatë udhëtimit të tyre për në Greqi.
Mendohet se mbytja e mjetit që i transportonte ka ndodhur rreth orës 04:00, për shkak të kushteve të rënduara të motit.
Roja bregdetare turke ka arritur të shpëtojë vetëm 8 persona.
Ende nuk dihet kombësia e personave të mbytur. Tre barka dhe një helikopter janë duke kërkuar për persona të tjerë të mbijetuar.
