Një ngjarje shokuese ka njdodhur në plazhin e Zvërnecit në Vlorë. Të paktën 3 persona raportohet të jenë mbytur në det.
Mësohet se viktima kanë mbetur dy të reja nga Vlora të cila ishin të afërme midis tyre. Raportohet se ato ishin në vështirësi kur personi i 3-të, një shtetas ky nga Maqedonia u ka shkuar në ndihmë.
Asnjë prej tyre nuk ka arritur të dalë i gjallë. Trupat e pajetë të viktimave, dy vajza dhe një djalë i ri, shqiptar nga Maqedonia u nxorën në breg.
Pas disa orësh olicia identifikoi viktimat. Bëhet fjalë për shtetaset Manuela Maraj 27-vjeçe dhe Xhoana Cani 25-vjeçe. Viktima i tretë është shtetasi Beniamin Ferati 24-vjeç.
Ngjarja e rëndë ndodhi në vendin e quajtur Gjiri i Portonovës rreth orës 14:30.
“Më datë 16.07.2017, rreth orës 14:30, është marrë njoftimi paraprak se në plazhin e Zvërnecit po rrezikoheshim të mbyteshin në ujë 2 shtetas.
Menjëherë shërbimet e policisë kufitare dhe ato vendore janë nisur në afërsi të vendit të ngjarjes pranë zonës së Portonovës, me ndihmën e mjeteve lundruese në ndihmë të personave por nuk është bërë i mundur shpëtimi i tyre.
Si pasojë, janë mbytur 3 shtetas: dy shtetase të seksit – femër dhe një tjetër i seksit – mashkull.Policia ka bërë të mundur nxjerrjen nga uji të tre trupave të shtetasve të mbytur.
Po punon për identitetet e tyre të plota,” thuhet në njoftimin e Policisë së Vlorës.
Kjo ngjarje shokuese rëndon edhe më tej bilancin pasi gjatë paradites, në zonën e Ujit tëFtohtë në Vlorë u mbyt një 14-vjeçar, duke e çuar në 4 numrin e viktimave nga deti vetëm sot.
/a.m.
