Një djalë i ri në Dibër, është gjetur i pajetë nga vëllai i tij, i varur me litar.
Rreth orës 05.30 të mëngjesit të sotëm, familjarët kanë gjetur pa shenja jete 16- vjeçarin Visnjol Karaj, nga fshati Zdojan, Dibër.
E sinjalizuar për rastin, policia mbërriti në vendin e ngjarjes, ku konstatoi se viktima dyshohet se ishte vetëvarur me litar në kasollen e bagëtive.
Noa.al mëson se ka qenë vëllai i tij i martuar, i cili ka gjetur adoleshentin e pajetë, të varur brenda kasolles së lopës pranë shtëpisë.
I shokuar ai ka vënë kujën dhe ka lajmëruar të atin, duke konstatuar vdekjen e të miturit.
Nga veprimet paraprake hetimore dhe nga eksperti mjeko ligjor dyshohet se vdekja është shkaktuar si pasojë e vetëvarjes në litar.
Eksperti mjeko- ligjor gjatë këqyrjes së trupit të viktimës nuk ka konstatuar asnjë shenjë dhune apo dëmtim tjetër përveç atyre të shkaktuara nga vetëvarja në litar.
Familjarët kanë mbetur të shokuar nga vetëflijimi i të riut, duke mos ditur të japin ndonjë motiv që e ka shtyrë drejt fundit tragjik./a.k
