Një ngjarje e rëndë ka ndodhur në orët e para të mëngjesit në qytetine Fierit. Dy automjete janë për plasur me njër-tjetrin duke shkaktuar vdekjen e një personi. Mësohet se dy automjete një tip ‘Porche’ me targa AA638CZ dhe një fuoristradë me targa AA200JU janë përplasur në vendin e quajtur ‘Liqeni’, në aksin rrugor Fier-Levan. Sipas burimeve viktima është Kujtim Guci 65 vjeç, ndërsa të plagosurit identiteti i të cilëve nuk bëhet i ditur janë jashtë rrezikut për jetën. Të plagosurit dhe viktima janë familjarë të cilët udhëtonin drejt qytetit të Vlorës, pas një gëzimi familjar. 65-vjeçari i cili ka humbur jetën është babai i dhëndrit, ndërsa kishin qenë krushqi tek nusja në Fier dhe po ktheheshin drejt Vlorës. Paraprakisht dyshohet se shkak i aksidentit ka qenë shpejtësia tej normave të lejuara. Policia ndodhet në vendngjarje dhe po heton për zbardhjen e plotë të shkaqeve.
Tragjedi në dasmë, përplasen krushqit, vdes babai i dhëndërrit
