Një ngjarje e rëndë është regjistruar këtë të mërkurë në zonën turistike të Ranës së Hedhun.
Dy të rinj kanë humbur jetën si pasojë e mbytjes në det, ndërsa tre të tjerë ndodhen në spital, fatmirësisht jashtë rrezikut për jetën.
Sipas informacioneve paraprake, raportohet se të rinjtë nga Kosova i mori dallga.
Ndërkohë në zonën ku ndodhi tragjedia raportohet se nuk ka kulla vrojtimi dhe as flamuj të kuq në det – të cilët përdoren si sinjalizues që pushuesit të mos futen në det, kur ky i fundit ka dallgë ose është i trazuar.
