Operacioni i ndodhur disa ditë më parë në Shqipëri ku u vunë në pranga 39 persona si organizatë që trafikonin klandestinë drejt SHBA-ve, Britanisë apo Kanadasë tërhoqi vëmendjen e mediave ishullore.
“The Sun”, shkruan sot se udhëheqësi i një prej grupeve më të fuqishme të trafikut të klandestinëve, duke iu referuar grupit shqiptar që u shkatërrua nga policia është me nënshtetësi irlandeze.
Ai është me origjinë shqiptare, por ka jetuar më parë në jug të Dublinit.
Sipas “The sun” hetuesit nga Byroja Kombëtare e Imigracionit kanë kuptuar lidhjen e tij me Irlandën dhe tani po punojnë me autoritetet në Mbretërinë e Bashkuar dhe Evropë.
Ky person është një nga kryetarët kryesorë të trafikantëve dhe dyshohet se është i përfshirë më shumë se të tjerët në trafikim.
Ai dyshohet se është pjesë e mafias shqiptare dhe qe po hetohet gjetja e lidhjeve të tjera të mundshme në këtë rrjet me Irlandën.
Emigrantët që kanë kaluar në mënyrë të paligjshme, kryesisht janë nga Shqipëria dhe nga vendet e tjera të Evropës lindore shkruan Expres.
Klandestinët, shumica nga Shqipëria dhe nga vendet e tjera të Europës lindore, detyroheshin të paguanin 8000 euro për të shkuar në Britani dhe më shumë se 20000 euro për të shkuar në SHBA dhe Kanada, shkruan më tej “The Sun”.
Bandat përdornin dokumenta udhëtimi false, duke përfshirë edhe pasaporta irlandeze të falsifikuara. Edhe pse 39 persona u kapën, autoritetet po kërkjonë edhe 12 persona të tjerë të arratisur.
“Bandat shqiptare janë duke u futur fuqishëm në trafikun e drogës në Holandë dhe janë një nga organizuesit kryesorë të trafikimit të qenieve njerëzore në Europë”, përfundon shkrimin “The Sun”./a.m.
