Arrestohet trafikuesi kosovar i lëndëve narkotike, i shpallur në kërkim ndërkombëtar me qëllim ekstradimi.
Më datë 13.02.2018, Specialistët e Policisë Kufitare Morinë, bënë arrestimin provizor, me qëllim ekstradimin të shtetasit kosovar, me të dhëna: Arijan P., 26 vjeç, lindur në Gmunden të Austrisë dhe banues në Mitrovicë, Kosovë.
Ky shtetas u kap në hyrje të PPK, Morinë, ku gjatë regjistrimit në sistem, rezultoi me status ” Arrest”, lëshuar më datë 03.01.2018 nga NCB Vienna Austri, për veprën penale “Trafik të lëndëve narkotike”.
Materialet iu kaluan Prokurorisë së Rrethit Gjyqësor Kukës. Prokuroria vijon hetimet e mëtejshme për të krijuar panoramën e gjërë të veprimtarisë së shtetasit të arrestuar.
a.ç
