Policia e Lezhës ka arrestuar një 33-vjeçar, i cili ishte shpallur në kërkim pasi akuzohet për veprat penale, “Marrëdhënie seksuale me dhunë me të mitura” dhe “Trafikim i të miturve”.
Në pranga ka rënë shtetasi Krenar Shabani, 33 vjeç, banues në Lezhë, pasi dyshohet se ka kryer marrëdhënie seksuale me dhunë me shtetasen V.J. 17 vjeçe.
Sipas policisë, Krenar Shabani dhe shtetasi E.K. 26 vjeç, i cili është shpallur në kërkim, e kanë dërguar vajzën në një banesë tek Instituti Bujqësor i Tiranës, tek një shtetase e njohur e tyre, me qëllim trafikimin të nesërmen në Kosovë, por 17-vjeçarja V.J. ka arritur të largohet.
Materialet proceduriale i kaluan Prokurorinë së Rrethit Gjyqësor Lezhë për veprat penale “ Marrëdhënie seksuale me dhunë me të mitura” dhe “ Trafikimi i të miturve” parashikuar nga nenet 128/b e 22 e 25 dhe 101/2, e 25 të Kodit Penal.
Balkanweb
