Një lidhje dashurie me shoqen e ngushte të bashkëshortes i ka kushtuar shtrenjtë një 45 vjeçari nga Vora.
Gjykata e Tiranës vendosi për të masën e sigurisë “arrest me burg” pasi e dashura, e cila kishte vendosur t’i jepte fund lidhjes, ka bërë për të kallzimin në polici.
Ajo e akuzonte për përndjekje.
Por vetë i arrestuari ka rrëfyer ne gjykatë se nuk e kishte kërcënuar dhe nuk e kishte ushtruar dhune, madje tha se me te se kishte edhe mardhenie te mira dhe hyrje dalje familjare, raporton Ora News:
“Kishte dy javë që nuk donte të bashkoheshim si herët e tjera.
Shkova ta merrja si herët e tjera.
Ajo ishte e mërzitur.
Pasi ecëm 100 metra, më tha mbaje se do të shkoj në polici.”
Të njejtën gjë ka pretenduar edhe avokati mbrojtës që ka kërkuar masë më të bute sigurie
“Klienti im ka një marrëdhënie shoqërore me kallëzuesin dhe ditën e ngjarjes kanë dashur të sqarojë këtë marrëdhënie dhe nuk ka pasur qëllim ta kërcënojë apo ta vërë në pozitë tjetër siç pretendoi akuza”
Ndërsa prokurorja e çështjes kërkoi nga gjykata arrest me burg kërkesë, që u pranua nga gjyqtari i çështjes, Artan Gjermeni.
/b.d
