Vesa Vllasaliu ka qenë një nga banoret më të përfolura të edicionit të dytë të “Big Brother VIP Kosova”. Historia e saj e dashurisë me Mërgim Berishën përfundoi keq vitin e shkuar, duke u bërë objkct edhe i mediave turke.
Por tashmë ajo ka zbuluar disa detaje të reja, që e kanë bërë këtë histori të denjë për një telenovelë. Në një rrëfim para banorëve, Vesa e përlotur ka kujtuar se si nuk e dëgjoi babain kur i thoshte se diçka nuk shkonte me lidhjen e tyre.
“I kam pasur raportet keq, sepse babai nuk ka dashur që unë të jem me të. Ai e ka ditur prej fillimit që diçka nuk shkonte”.
Ai gjithashtu tregon se ka pasur momente kur Vesa është sjellë keq me Mërgimin në ambiente publike në sy të të tjerëve.
Vesa u shpreh se ishte pikërisht shoqja e saj që i mori partnerin. Edona Rudaku, sot bashkëshortja e Mërgim Berishës mohoi akuzat nga Vesa Vllasaliu, se ajo është shoqja që i ka marrë burrin.
“Nuk jam shoqe e ngushtë me Vesën, nuk ia ka marrë të dashurin dhe nuk është e vërtetë ajo se çfarë po flitet”, – tha Edona Berisha. Por ndryshe tregojnë fotot, ku vajzat jo vetëm që shihen në shoqëri të njëra-tjetrës të përqafuara e të lumtura, por me to është edhe Mërgim Berisha.
Futbollisti ‘u bë molla e sherrit’ mes vajzave, të cilat i dhanë fund shoqërisë. Vesa tha se ndarja erdhi si shkak i ndërhyrjes së Edonës në lidhjen e tyre. Vesa Vllasaliu u shpreh se vuajti shumë tradhtinë e futbollistit dhe pavarësisht se miqtë i tregonin se tashmë Mërgim Berisha e kishte zëvendësuar me shoqen e saj, refuzoi ta besonte.
“Zemrën e kam shumë të thyer, por vuajta kalon. U tradhtova nga ish-i fejuari im me shoqen e ngushtë. Shokët m’i hapën sytë. Një miku im i ngushtë prej fillimit më tha ‘Vesë, jo’, unë në kokën time mendoja se ajo ma do të mirën. Por nuk ishte e vërtetë, ajo ka dashur të kishte jetën time, si private, në publik, në lidhje, marrëdhënien me familjen time. Fillimisht mendova se bëra e humë keq që u ndamë, fillimi është shumë keq për çdo njeri. Por tani kam kuptuar se kush më do dhe më vlerëson. E kisha falur atë për të mirën time, por s’do e kisha harruar kurrë”, tha modelja.
Vesa Vllasaliu tregoi se futbollistin e kishin parë me një vajzë në Gjermani, ndërsa vetë ishte në Zvicër dhe ishte një shoqe e saj, që i kishte treguar për këtë. Në atë moment, ajo zbuloi se vajza në krah të të dashurit të saj ishte pikërisht mikja e saj më e mirë dhe i dërgoi mesazh babait të saj, duke i thënë se “vajza jote më ka marrë burrin”.
Ndërsa zbuloi se futbollisti doli publikisht me shoqen e saj, dy javë pas ndarjes së tyre dhe në ditën kur kishin planifikuar dasmën, ai postoi një emoji zemre për partneren e re.
Por çfarë shkruanin mediat turke kur dyshja i dha fund kësaj lidhjeje pak para dasmës?
SHKRIMI I PLOTË
Sulmuesi i Fenerbahçes, Mërgim Berisha, i cila dyshohet se ka rrahur të dashurën e tij, Vesa Vllasaliu, dhe i ka konfiskuar sendet personale në rezidencën ku jetonin së bashku në Ümraniye, është i detyruar nga gjykata t’i qëndrojë larg. Gjykata gjithashtu në vendimin e saj theksoi se nëse Berisha nuk zbaton vendimin, ai do të dënohet me burgim të detyrueshëm deri në 30 ditë.
Vesa Vllasaliu përmes avokatit të saj ka aplikuar në Kryeprokurorin Publik të Anadollit dhe ka bërë kallëzim kundër sulmuesit të Fenerbahçes, Mergim Berisha. Në peticion thuhej se Vllasaliu dhe Berisha jetojnë së bashku që nga shtatori i vitit 2021 dhe planifikojnë të martohen muajin e ardhshëm në kushte normale. Në peticionin për denoncimin pretendohej se Berisha ka ushtruar dhunë ndaj Vllasaliut dhe e ka dëbuar nga banesa në Ümraniye, ku jetonin së bashku.
Në peticion thuhej se Berisha i ka konfiskuar sendet e Vllasaliut dhe nuk e ka lejuar as t’i marrë ato. Në peticionin për rojet e sigurisë së rezidencës së Berishës thuhet se ai ka dhënë udhëzime si “Mos e çoni Vllasaliun në asnjë vend”.
Në peticion ndër të tjera raportohej se: “Qëllimi i vetëm i klientit është të marrë sendet e tij private, madje edhe faturat dhe të ndërpresë të gjitha marrëdhëniet me palën tjetër. Megjithatë, ka shumë të ngjarë që klienti të ekspozohet sërish ndaj dhunës fizike. Përveç kësaj, ai përdor lloje të ndryshme të sharjeve dhe fjalimeve fyese ndaj avokatit”.
Në peticion thuhej gjithashtu se Berisha e kërcënoi Vllasaliun. Aty ku pretendohej se Berisha ka kryer edhe veprën e “plaçkitjes” duke mos i dhënë sendet e Vllasalit. U kërkua që ndaj Berishës të niste një hetim dhe të jepej një urdhër ndalimi. Gjykata e Parë e Anadollit, nga ana tjetër, vendosi që Berisha të mos bëjë fjalë dhe sjellje që përfshijnë dhunë, kërcënime, fyerje dhe poshtërime për 2 muaj, në përputhje me Ligjin për “Mbrojtjen e Familjes dhe Parandalimin e Dhuna Kundër Grave”.
Gjithashtu nga gjykata u vendos që Berisha të mos afrohej për 2 muaj në banesën dhe vendin e punës së Vllasaliut. Gjykata vendosi që Berisha të mos shqetësonte Vllasaliun për 2 muaj me mjete komunikimi apo mjete të tjera dhe vendosi që nëse konstatohet se Berisha nuk ka respektuar kërkesat e vendimeve në fjalë, do të dënohet me burgim prej 3 ditësh deri në 30 ditë.
