Tottenham ka marrë një fitore shumë domethënëse sot në ‘Stamford Bridge’ kundër Chelsea-s. Skuadra e drejtuar nga Pochetino ka triumfuar 1-3 në derbin e Londrës, duke konsoliduar vendin e 4-t dhe duke i dhënë një shuplakë të rëndë ‘bluve’ të Conte-s.
I pari në avantazh kaloi Chelsea, me Morata-n në minutën e 30-t që jo vetëm zhbllokoi takimin, por edhe gjeti golin personal pas 100 ditësh thatësirë. Gjithsesi festa e vendasve nuk do të zgjaste shumë pasi Enriksen në fundin e pjesës së pare me një goditje mjeshtërore nga jashtë zone prodhoi një eurogol që shtangu portierin.
Në pjesën e dytë për ‘Spërsat’ shkëlqeu Dele Alli. Britaniku jo vetëm barazoi rezultatin por edhe e përmbysi atë, me një ‘dopietë’ që vulosi rezultatin përfundimtar të takimit.
