Krijimi i qeverisë së re në Maqedoninë e Veriut ishte niveli i parë i ndarjes së pushtetit brenda koalicionit, ndërsa faza e dytë do të zhvillohet këtë javë për të ndarë postet në nivel zëvendës-ministrash, sekretariatet, drejtoritë dhe agjencitë.
Kryeministri Zoran Zaev tha sot se javën tjetër do të nis procesi për postet në nivelet e dyta dhe të treta.
Dy postet e zëvendësministrave për të cilat tashmë dihet se do t’i takojnë “Besës”, është Ministria e Arsimit ku zëvendësministër pritet të jetë Arafat Shabani, ndërsa për zëvendësministër të Kulturës kandidat është Sedat Sulejmani.
“INA” ka mësuar disa nga kandidatët nga radhët e BDI-së për zv/ ministra.
Zëvendës ministër i Brendshëm– Qamil Kovaçi
Zëvendës ministër i Mbrojtjes – Shiret Elezi
Zëvendës ministër i Transportit-Rexhail Ismaili
Zëvendës ministër i Shëndetësisë – Arjeta Veliu
Zëvendës ministër i Drejtësisë – Driton Kuçi
Zëvendës ministër i Arsimit- Lindita Qazimi
Lëvizja Besa pritet që të marrë dy zv/ ministra, të Arsimit që do të jetë Arafat Shabani dhe te Kultura Sedat Sulejmani.
