Fitorja e Torino-s në derbi ka qenë lajmi i së dielës në Serinë A, por akoma më shumë kanë bërë bujë ngjarjet jashtë fushe në Torino.
Tifozeritë e Juventus-it e Torino-s duket se kanë pritur këtë rast për të “larë hesapet” e vjetra dhe binlanci është i trishtueshëm: 10 të plagosur, 5 të arrestuar dhe 3 denoncime, deri tani.
Shkëndijat e para u dhanë që në mëngjesin e së dielës, me një përplasje mes grupimesh ultra, por ndërhyrja e policisë shmangu më të keqen.
Në mesditë autobusi i Juventus-it sulmohet nga tifozët e Torino-s, që hedhin gurë, shishe, godasi autobusin me ç’të munden dhe policia nuk ia del dot t’i mbajë larg. Megjithatë, vetëm një xham i thyer dhe asjë i plagosur në delegacionin bardhezi.
Sulmi ndaj autobusit përhapet me shpejtësi dhe në stadium plas lufta.
Pak pas fillimit të ndeshjes, tifozët e Juve-s hedhin një bombë tymuese në një nga sektorët e tifozerisë torineze, duke shkaktuar panik dhe disa të plagosur.
Juventus-i ka dënuar ashpër ngjarjet, Allegri ka kërkuar dënime shembullore dhe presidenti torinez Cairo akuzon tifozët e Juve-s për bombat e hedhura në stadium.
Redaksia Online
(JavaNews.al)
