I pakuptimtë ka qenë sot reagimi i Jozefina Topallit sa i përket deklaratave të Knut Fleskenstein. E pyetur nëse ka një koment për thirrjet e eurodeputetit se Berisha duhet t’i japë fund përrallave sorosiane, Topalli tha se as Enver Hoxhën nuk kanë pranuar t’ua ndalë fjalën e lirë (?!)
“Mendoj se jetojmë në liri dhe askush nuk duhet të mësojë askënd se çfarë të thotë. Këtë e kemi pranuar dhe nuk kemi lejuar as Enver Hoxhën të na e diktojë” – tha Topalli.
Deklaratat në fjalë ish-kryetarja e Kuvendit i bëri sot nga çadra e protestës, ndërsa tha se bojkoti do të vijojë për aq kohë sa politika nuk është në një situatë normale.
“As mua nuk më pëlqen kjo protestë, por të jetonim në një situatë normale, atëherë mund të ishim në parlament. Në këto kushte ne do të vijojmë protestën” – tha Topalli. /javanews/b.d
