Ish-kryetarja e Kuvendit, Jozefina Topalli, e ftuar në emisionin “Të Paekspozuarit” shpjegoi deklaratën e saj për Lulzim Bashës, që e cilësoi si lider të rremë.
“Pse i rremë?! Unë do ta përshkruaja jo të ashpër, pasi ka një të vertetë të madhe, e cila mund të verifikohet në ditët e fundit. Shumë njerëz e konstatonin në deklarata dhe unë jam e bindur se është e vertetë . E rremë, është fjala e përshtatëshme që përshkruan z. Basha, sidomos për katër vitet e fundit, por edhe më përpara” – tha Topalli mbrëmjen e sotme.
Sipas saj, sot është një situatë e paprecedentë.
“E rreme dhe Republika e Re, e rreme dhe Çadra, të rremë dhe takimet, dhe lista. Lista e Bashës nuk është e PD” – tha ajo.
“Unë nuk kam asnjë shpërthim dhe nuk jam shprehur ashpër, por kam bërë një reagim për një situatë që është jo e zakonëshme. Një në planin e keqëqeverisjes, që është mbushur vendi me drogë, që shqiptarët që kanë ikur dhe nga ana tjetër kemi një opozitë ose më mirë kemi z. Basha i cili reflekton tek njerzit, diçka që nuk shkon. Pse listat e tij janë të braktisura? Cila është opozita sot? Ndihej dhe shoh që lista është e braktisur, ajo që ishte PD. Po shkon drejt rrënimit. Z. Basha me vendim personal nuk donte që PD të hynte në zgjedhje, dhe pastaj “Lista” Basha që nuk ka kaluar në asnjë forum. Lista reflekton interesa të biznesit të familjes Basha dhe të biznesit të vendit, në këto zgjedhje nuk merr pjesë PD, në këto zgjedhje PD ka mbetur jashtë zgjedhjeve” – vijoi Topalli. /b.d
