Historia 25 vjeçare e pluralizmit shqiptar është mjaft e pasur sa i përket akuzave që kanë rënduar mbi deputetët për vepra të ndryshme penale. Mes tyre ka pasur edhe deputetë që kanë përfunduar në burg, si ish- kryeministri Fatos Nano apo ish deputeti i PD-së Arben Lika. Nuk kanë qenë të pakët edhe deputetët, të cilëve u është hequr imuniteti për akuza të ndryshme të cilat kryesisht janë lidhur me dhunën ndaj institucioneve shtetërore, si dhe për korrupsion. Në top- listën e deputetëve që u është hequr imuniteti janë emrat e Ilir Metës, Sali Berishës, Pjetër Arbnorit, Lulëzim Bashës, Andi Harasanit, Dritan Priftit etj. JAVANEWS sjell në vëmendje, hap pas hapi, nga viti 92 deri në 2015 deputetët të cilët janë dënuar me burg ose u është hequr imuniteti për vepra të ndryshme penale.
Deputetë të cilët janë dënuar:
Ish kryeministri Fatos Nano.
Ju hoq mandati në vitin 1992. U akuzua për abuzim dhe korrupsion. U dënua 12 vjet. Fitoi pafajësinë kur ishte kryeministër.
Ish-deputeti i PD-së Arben Lika
Iu hoq mandati në vitin 1994 për kontrabandë. U dënua me burg. Në 1997 fitoi pafajësinë.
Ish-deputeti PS-së Gafurr Mazreku.
Iu hoq mandati në vitin 1997, pasi plagosi me armë ish deputetin Azem Hajdari. U dënua me 7 vjet burg. Bëri vetëm 5 pasi u lirua me një amnisti të dhënë nga Fatos Nano.
Deputetët që u janë hequr imunitetet
Ilir Meta.
Metës i është hequr 2 herë imuniteti. Një herë në vitin 1992 për organizim protestash dhe herën tjetër në vitin 2011 me akuzën për korrupsion. Për të dyja çështjet akuzat janë rrëzuar.
Sali Berisha
Ish kryeministrit Berisha i është hequr imuniteti për ngjarjet e 14 shtatorit 1998, për dhunë ndaj institucioneve. Akuza më pas u pushua nga prokuroria.
Pjetër Abnori
Akuzohej për ngjarjet e 14 shtatorit, akuza u pushua nga prokuroria.
Leonard Demi
Akuzohej për ngjarjet e 14 shtatorit, akuza u pushua nga prokuroria.
Vili Minarroli
Akuzohej për ngjarjet e 14 shtatorit, akuza u pushua nga prokuroria.
Shaban Memia
Akuzohej për ngjarjet e 14 shtatorit, akuza u pushua nga prokuroria.
Jemin Gjana
Akuzohej për ngjarjet e 14 shtatorit, akuza u pushua nga prokuroria.
Lulzim Basha
Në vitin 2007 u akuzua për abuzim me detyrën dhe korrupsion. Çështja u pezullua për kalim afati.
Fatmir Mediu
Në vitin 2008. Akuzohej për abuzim me detyrën dhe korrupsion. Çështja u pezullua për kalim afati.
Hajrulla Paturri
Në vitin 2008 u akuzua për akte dhune në një ndeshje futbolli. Akuza u pushua nga vetë prokuroria.
Andis Harasani
Në vitin 2008 u akuza për dhunë ndaj gardës. Ju hoq mandati, por prokuroria pushoi akuzën
Nikollaq Neranxi
U akuzua për korrupsion, evasion fiskal. Çështja u pezullua për tejkalim afati
Dritan Prifti
Në vitin 2011 u akuzua për abuzim me detyrën. Akuza u pushua nga vete prokuroria.
Tom Doshi
Në vitin u akuzua për ngjarjet e “21 Janarit”. Çështja u pezullua për tejkalim afati.
Taulant Balla
Në vitin 2012 u akuzua për ngjarjet e “21 Janarit”. Çështja u pezullua për tejkalim afati.
Mark Frroku
Hequr imuniteti dhe është nën akuzë për vepra të ndryshme penale.
