Të famshmit fitojnë para gjatë gjithë jetës së tyre, por ka edhe nga ata që fitojnë edhe pas vdekjes. Listën e këtij viti si më të paguarit edhe pas vdekjes, e kryeson Michael Jackson.
Për të katërtin vit rresht, mbreti i popit vazhdon të mos e lëshojë pozicionin e tij në krye të listës së yjeve që kanë ndërruar jetë, por që sjellin fitime.Ai ka shtyrë më poshtë në renditje ikonat e muzikës Prince dhe David Bowie, që u shuan këtë vit. Jackson, i cili vdiq më 2009, ka në emrin e tij 825 milionë dollarë fitime për vitin 2016.
Shitja e albumeve të Prince u rrit me vdekjen e këngëtarit nga një mbidozë aksidentale mjekimesh në muajin prill. Revista “Forbes” e rendit atë të pestin me 25 milionë dollarë fitime gjithësej, duke e vendosur pas Elvis Presley, që numëron 27 milionë dollarë. Bowie, vdekja e të cilit nga kanceri në janar erdhi pak ditë pas nxjerrjes së albumit të fundit, e kapercën për nga shitjet si Presleyn, ashtu dhe Jacksonin, por në total fitimet e nxjerra prej tij janë relativisht të ulëta, 10.5 milionë dollarë. Në dhjetëshen më të mirë, “Forbes” vendos përpos këtyre emrave edhe ato të John Lenon, Bob Marley e Albert Einstein.
Top 10 në miliona dollarë
- Bettie Page 11
- Albert Einstein 11.5
- John Lennon 12
- Theador Geiel “Dr. Seuss” 20
- Bob Marley 21
- Prince 25
- Elvis Presley 27
- Arnold Palmer 40
- Charles Schulz 48
- Michael Jackson 825
