Vazhdon të rritet gjithnjë numri i të vdekurve nga me magnitudë 7.8 ballë i së shtunës që goditi Nepalin. Sipas raportimeve të fundit, mbi 4 mijë persona raportohen të vdekur deri më tani, ndërkohë që numri i të plagosurve ka arritur në 6500 persona.
Po ashtu raportohen se shumë të vdekur ka dhe në dy shtetet fqinje, në Kinë dhe në Indi. Tërmeti i fortë solli edhe orteqe në malin Everest duke shkaktuar gjithashtu shumë të vdekur.
Pasojat e tërmetit kanë krijuar një situatë të emergjente të jashtëzakonshme ku qindra persona të cilët kanë humbur familiarët dhe të afërmit e tyre janë detyruar të kalojnë netët jashtë pasi shtëpitë e tyre janë shkatërruar plotësisht. Një pjesë e tyre janë vendosur nëpër çadra dhe shprehen të frikësur dhe nuk pranojnë që të kthehen në shtëpitë e tyre pasi lëkundjet sizmike pritet që të vazhdojnë.
Helikopterë dhe ekipe të shumta shpëtimi janë vënë tashmë në dispozicion për nxjerrjen e trupave, ndërkohë që bilanci i të vdekurve rritet nga momenti në moment.
Redaksia Online
(Javanews.al)
