Dhjetë vite skllavëri, dhunë, abuzime seksuale dhe jetesë si e burgosur brenda një kasolleje të pushtuar nga minjtë, insektet dhe plehrat.
Kjo është ajo që ka jetuar një vajzë 29-vjeçare rumune në Gizzeria të Catanzaros.
Nga kjo histori e gjatë abuzimi kanë lindur edhe dy fëmijë, nëntë dhe tre vjeç, të izoluar nga bota dhe të mbyllur në kasolle bashkë me nënën e tyre.
Policia italiane zbuloi monstrën 52-vjeçar, një burrë italian i cili u ndalua për një kontroll rutinor teksa udhëtonte me makinë bashkë me një prej fëmijëve.
Ai ishte tepër nervoz dhe nuk përgjigjej kur u pyet krejt normalisht nga policët e patrullës s ku jetonte.
Kjo shtoi dyshimet e policisë e cila e ndaloi dhe i kërkoi ta shoqëronte në banesë.
Por, efektivët u shokuan kur u gjendën përballë kasolles. Aty gjetën vajzën e izoluar e cila ishte në gjendje tepër të rëndë psikologjike dhe e sëmurë.
Minjtë dhe merimangat ishin ngado. Tualeti në kasolle ishte i improvizuar me kanoçe. Plehrat ishin kudo ndërkohë shtretërit ishin disa kartonë.
Aty e izoluar kishte jetuar prej moshës 19-vjeçare e reja rumune. Prej kur ishte marrë peng dhe ishte kthyer në skllaven e italianit.
Ai e dhunonte gjithë kohës madje në disa episode kishte përfshirë edhe fëmijën më të madh. Gruaja kishte lindur dy fëmijë këto vite abuzimi dhe kurrë nuk ishte mjekuar.
As kur ishte shtatzënë madje.
Monstra u arrestua ndërkohë gruaja dhe dy fëmijët janë çuar për trajtim në një qendër të posaçme./a.m.
