Një grua 50 vjeçare shqiptare, emigrante prej vitesh në Greqi, është rrëmbyer nga një tjetër emigrant dhe është abuzuar prej tij duke u mbajtur për pesë orë rresht në një ambient të tij.
Policia tha se nuk ka arritur ta arrestojë bullgarin.
Ngjarja ka ndodhur në zonën e Petralona në Athinë, raporton noa.al. Pas torturave që përjetoi, viktima u gjet e mbuluar me gjak, në një gjendje të mjerueshme dhe pa qenë në gjendje të artikulonte një fjalë.
Ajo kishte shkuar për të pastruar ndërtesën ku ndodhej apartamenti, për 5 euro, por përjetoi makthin e tmerrshëm, duke përfunduar në spital e rrahur dhe e dhunuar në trup e në shpirt.
Policia lokale tha se shtetasi bullgar 35 vjeç ka arritur të fusë me forcë në një banesë 50 vjeçaren në pallatin ku ajo punonte si sanitare dhe e ka përd hunuar.
Ajo kishte shkuar për të pastruar ndërtesën e apartamentit për 5 euro dhe jetoi makthin absolut, duke përfunduar në spital e rrahur dhe e dhunuar në trup e në shpirt.
Gruaja 50-vjeçare përshkroi sot në polici gjërat e tmerrshme që përjetoi dje, duke thënë se në këtë ndërtesë ku ajo pastron ambientet e saj një herë në javë, dje një burrë që jeton në katin e parë e gjeti rastin kur nuk kishte njerëz në korridoret e pallatit, e kapi, e futi me dhunë në shtëpinë e tij dhe filloi ta abuzonte në mënyrë të përsëritur.
Pas pesë orësh tortura, gruaja ka arritur të dalë jashtë apartamentit duke klithur për ndihmë. Një dëshmitar që e gjeti, tregon: “E gjeta atë të abuzuar brutalisht, padyshim e goditur në fytyrë, që do të thotë se ajo po përpiqej të rezistonte”.
Një tjetër dëshmitar tha: “Pashë një grua shumë të dëshpëruar, të rrahur dhe të tmerruar, e cila po kërkonte ndihmë. Ajo më tha “ndihmomë, shpëtomë”, ndërsa zotërisë që kishte ardhur i pari pranë saj i tha “më ka përdhunuar, më ka goditur shumë”.
Policia që shkoi në rrugën Symmachidon 11, në Kato Petralona, dërgoi gruan në spital ku rezultoi dhe me brinjë të thyer.
Dyshimet janë se gruaja është përd hunuar nga dy burra në apartamentin ku pasi shkoi policia nuk gjeti asnjë prej tyre. Në galeri shikoni pamje pas ngjarjes. Para pallatit janë grumbulluar shumë njerëz të cilët kërkojnë nga nëna e bullgarit që të tregojë ku po fshihet ai dhe bashkëpunëtori i mundshëm.
/a.r
