Kjo e martë ka rezultuar tragjike për 2 pushues në plazhin e Durrësit. Një grua 60-vjeçare dhe një djalë i ri 26-vjeçar janë mbytur në Durrës.
Mësohet se 60-vjeçarja me inicialet K.K. nga Elbasani kishte shkuar për të pushuar te Shkëmbi i Kavajës, në lagjen nr.13. Paraditen e sotme, ajo kishte hyrë për t’u larë në det, por nuk mundi që të dalë më e gjallë, pasi u mbyt.
Ndërkohë, i riu humbi jetën gjatë orëve të pasdites tek Gjiri i Lalëzit. 26-vjeçari i mbytur në det është identifikuar me inicialet Z.T..
“Më datë 25.08.2020, rreth orës 09:45, në lagjen nr.13, Shkëmbi i Kavajës, shtetësja K.K.,60 vjeçe, banuese në Elbasan, dyshohet se është mbytur duke u larë në det, e për pasojë ka ndërruar jetë. Më datë 25.08.2020, rreth orës 14:15, tek Gjiri i Lalëzit, shtetasi Z.T., 26 vjeç, banues në Durrës, dyshohet se është mbytur duke u larë në det, e për pasojë ka ndërruar jetë”, njofton policia.
/a.r
