Çmimet e apartamenteve në Tiranë duket se do të jenë në rritje edhe gjatë vitit 2025.
Sipas revistës Monitor, çmimet e apartamenteve në muajin shkurt të vitit 2025 janë rritur nga 5 deri në 27% krahasuar me të njëjtën periudhë të 2024.
Sa i përket kërkesës për komplekset e reja rezidenciale kryesohet nga vendasit e profesioneve të lira për qëllime banimi, ndërsa 90% e blerjeve të emigrantëve është për investim nga rishitja.
Në një nga zonat më të shtrenjta të kryeqytetit, në ish-Bllok çmimet kanë arritur në 5.000 euro/m².
Në zonën e Komunës së Parisit çmimet nisin nga 3.000 euro/m².
Tek kompleksi rezidencial pranë Parkut Olimpik dhe Liqenit Artificial, zhvillimi i objektit është në fazë grope, çmimet për prenotim blerje, nisin nga 2.400 deri në 2.700 euro/m².
E vetmja zonë e cila nuk është prekur nga ndryshimi i çmimeve krahasuar me vitin e shkuar, rezulton apartamentet e reja brenda Unazës së Vogël ku çmimi është 2.300 euro/m².
Në Bulevardin e Ri çmimet e rezervimit për apartamente nisin nga 2,700 euro/m².
Në zonën e Astirit një vit më parë çmimet për apartamentet varionin nga 1.200 deri në 1.300 euro/m², ndërsa këtë vit nisin nga 1.400 euro/m².
E njëjta vlerë është edhe për zonën e Freskut dhe në Shkozë.
Zhvillimi i infrastrukturës në Unazën e Madhe ndikojë në mënyrë direkte tek rritja e çmimeve të apartamenteve në Paskuqan ku sot kapin vlerën 1.200 euro/m² ku krahasuar me vitin shkuar kemi një rritje prej 14%.
