Zona e Unazës së Re tek “Astiri” është zgjuar sot e rrethuar nga policia.
Forca të shumta kanë krijuar një kordon në perimetrin e rrugës duke mos lejuar qarkullimin e njerëzve dhe të makinave.
Qytetarë dhe banorë të zonës janë të agravuar, pas nuk po lejohet që të kalojnë rrugën për në punë.
Tre ditë më parë, Inspektoriatit Kombëtar të Mbrojtjes së Territorit ka shembur 33 objektet e parashikuara në Unazën e Re. Edhe pse banorët rezistuan përgjatë gjithë natës nuk mundën të ndalonin ndërhyrjen, madje pati edhe përplasje.
Me ndërhyrjen e forcave speciale u shoqëruan të paktën 15 persona, mes tyre dhe pedagogu Ervin Goci.
Për shkak të përplasjes, 13 persona u paraqitën në spitalin e Traumës, 5 prej të cilëve ishin të forcave të rendit.
Kërkesave për tu futur në zonë, forcat e rendit i janë përgjigjur me refuzim. Madje në rrethim është vendosur jo vetëm hyrja e Unazës së Madhe por dhe akset dytësore. Nga spitali banorët kanë akuzuar për dhunë.
Avokatët e banorëve të Astirit kanë denoncuar ndërhyrjen e policisë, teksa kanë shtuar se do të vazhdojnë betejën ligjore.
/a.r
