Mediat italiane raportojnë se menaxheri Mino Raiola i ka kërkuar Milanit ta anulojë rinovimin e kontratës të nënshkruar gjatë verës nga Gianluigi Donnarumma.
Sipas Corriere dello Sport, agjenti Raiola ka kërkuar anulimin në bazë të “abuzimit moral” ndaj Donnarummës.
Gazeta italiane shpjegon se portieri adoleshent madje i ka shkruar letër drejtuesve të Milanit, duke pohuar se është bërë subjekt i presionit psikologjik.
Donnarumma pati njoftuar përmes Raiolës se nuk do ta nënshkruante rinovimin e kontratës me “Kuq e zinjtë”, por në fund e nënshkroi atë.
Paris Saint-Germain dhe Real Madridi janë të interesuara për talentin italian. /a.m.
