Dy ditë pas atentatit në Lungomare ndaj Inez Hajrullës, pasditen e sotme është regjistruar një tjetër ngjarje.
Në aksin Vlorë-Fier, në Novoselë, është qëlluar me armë zjarri në drejtim të një makine tip ‘Golf’, ndërsa raportohet për të plagosur.
Mësohet se se makina është bërë shoshë nga breshëria e plumbave të kallashnikovit.
Pas atentatit ndaj makinës, drejtuesi ka humbur kontrollin duke përfunduar në kanal. Në vendin e ngjarjes ka shkuar policia dhe ambulanca.
Informacion i Policisë:
Në vendin e quajtur “Ura e Mifolit” Novoselë, në rrethana ende të paqarta është qëlluar me armë zjarri në drejtim të automjetit që drejtohej nga shtetasi R.A., 33 vjeç, banues në Vlorë, i cili ka humbur kontrollin e mjetit dhe ka dalë nga rruga duke pësuar lëndime të lehta.
Nuk ka të lënduar me armë zjarri.
Grupi hetimor ndodhet në vendin e ngjarjes dhe po kryen hetimet në lidhje me zbardhjen dhe sqarimin e rrethanave.
Po punohet nëpërmjet kontrollit të territorit dhe veprimeve të tjera hetimore për identifikimin dhe kapjen e autorit/ëve.
