Një tjetër aksident tragjik ka ndodhur paraditen e së mërkurës. Ngjarja e rëndë ka ndodhur në Kavajë ku ka mbetur i vdekur një fëmijë 5-vjeçar. Ai u përplas nga automjeti tip “Mercedes Benz” i drejtuar nga shtetasi me inicialet A.L. i cili u ndalua nga policia.
“Më datë 23.11.2016, rreth orës 10:00, në afërsi të ish repartit Ushtarak, Kavajë, drejtuesi i automjetit tip “Mercedes Benz”, shtetasi A. L., ka aksidentuar një fëmijë, rreth 5 vjeç,i cili ka gjetur vdekjen e menjëhershme.
Grupi hetimor në vendin e ngjarjes po punon për identifikimin e viktimës dhe sqarimin e plotë të rrethanave të këtij aksidenti.
Drejtuesi i automjetit është shoqëruar në polici për veprime të mëtejshme.”, thuhet në komunikatën e policisë./a.m.
