Rreth orës 16.45 minuta një aksident automobilistik ka ndodhur në rrugën hyrëse të Durresit, në afërsi të tregut të qytetit.
Makina ka përplasur një vajzë të re rreth moshës 25 vjeçe. Ndërsa shoferi i mjetit që ka bërë aksidentin është larguar nga vendngjarja.
Policia ka shkuar menjëherë në vendngjarje dhe ka nisur hetimet rreth shkaqeve të aksidentit. Mësohet se e aksidentuara ndodhet jashtë rrezikut për jetën.
Ndërkohë policia është duke kërkuar për kamera sigurie të bizneseve për të parë dinamikën e ngjarjes aksidentale.
