Një shpërthim me lëndë eksplozive ka ndodhur mëngjesin e sotme në një palestër në afërsi të Kopshtit Botanik në kryeqytet. Sipas policisë shpërthimi ka ndodhur rreth orës 05:32 të mëngjesit të sotëm, ndërsa nuk ka të lënduar, por vetëm dëme materiale. Lënda eksplozive ishte vendosur tek pravazi i dritares së palestrës.
Njoftimi i policisë:
Më datë 07.02.2017, rreth orës 05:32, në afërsi të Kopështit Botanik,
tek një palestër, ka ndodhur një shpërthim, i cili dyshohet të ketë ndodhur si pasojë e vendosjes së një sasie të vogël lëndë të dyshuar eksplozive në murin e jashtëm të palestrës. Si pasojë e këtij shpërthimi ka patur vetëm dëme të vogla materiale (thyer xhamat). Grupi hetimor po punon për sqarimin e rrethanave të ngjarjes dhe identifikimin si dhe kapjen e autorëve të kësaj vepre.
ma.me
