Një rrjet i ushtrimit dhe shfrytëzimit të prostitucionit në Tiranë është shkatërruar ditën e sotme ndërsa janë arrestuar dy gra ndërsa dy persona të tjerë janë proceduar në gjendje të lirë.
Në kuadër të të finalizimit me sukses të operacionit të koduar “Unik” policia e kryeqytetit bëri të mundur arrestimin në flagrancë të Xhevrie Skenderasi 54 vjeç, banuese në Tiranë, për veprën penale të “Shfrytëzimit të prostitucionit” dhe “mbajtjes se lokaleve për prostitucion” dhe F.A, 27 vjeç, banues në Tiranë.
Sipas policisë shtetësja Xhevrie Skenderasi posedonte një lokal në të cilin punësonte si kamariere dhe më pas i shfrytezontë për të prostituuar duke gjetur klientele nga frekuentuesit e lokalit dhe shtetasja F.A kryente prostitucion me klientët e siguruar nga ndërmjetësuesja e saj.
Gjithashtu filloi procedimi penal në gjëndje të lirë për shtetasin A.A 31 vjeç, banues në Tiranë, B.P 59 vjeç, banues në Tiranë, si pronar i hotelit, për veprën penale te “Mbajtjes se lokaleve për prostitucion”.
