Kapet pa patentë, por bën gabimin e madh, pasi tentoi të korruptonte policin duke i dhënë ryshfet. Konsatahet pa leje drejtimi, tenton të korruptojë punonjësin e Policisë Rrugore, arrestohet në flagrancë 17 vjeçari Më datë 08.06.2017, në zonën e Paskuqanit, shërbimet e Policisë Rrugore, kanë arrestuar në flagrancë shtetasin:
– A. K., 17 vjeç, banues në Tiranë Ky shtetas duke drejtuar automjetin tip “Toyota”, është ndaluar nga shërbimet e Policisë Rrugore, për kontroll të dokumentacionit. Pasi i është kërkuar leja e drejtimit, ky shtetas ka tentuar t’i japë 2000 lekë të reja punonjësit të Policisë, pasi nuk dispononte leje drejtimi, por është arrestuar në kushtet e flagrancës.
Materialet i kaluan Prokurorisë pranë Gjykatës së Rrethit Gjyqësor Tiranë, për veprat penale “Korrupsion aktiv ndaj personave që ushtrojnë funksione publike” dhe “Drejtimi i automjeteve në mënyrë të parregullt”, parashikuar nga Nenet 244 dhe 291 të Kodit Penal.
ma.me