Akuza për disa vjedhje ka çuar pas hekurave një 16-vjeccare nga Tirana, ndërsa është shpallur në kërkim një djalë. Burime zyrtare nga policia e Tiranës bënë me dije për ‘BalkanWeb’, se është kapur Malbora K., 16 vjeçe, banuese në Tiranë, e dënuar më parë për veprën penale të “Vjedhjes” si dhe është shpallur në kërkim 23-vjeçari me inicialet A. X., banues në Fushë-Krujë.
Ndalimi i 16-vjeçares u bë pasi në bashkëpunim me njëri – tjetrin, më datë 06.10.2016, kanë tentuar të vjedhin banesën e shtetasit S. H., në Kamëz. Nga veprimet hetimore rezulton se këta shtetas, janë autorë të dyshuar të ngjarjeve si mëposhtë: Më datë 29.02.2016, në dyqanin e shtetasit L. K., kanë vjedhur telefonin tip “iPhone”.
Më datë 17.05.2016, në një dyqan shërbimesh telefonike, me operatore shtetasen J. B., kanë vjedhur një orë të markës “Mikyd Woc”.
Më datë 19.07.2016, në mjetin tip “Mercedes Benz”, në pronësi të shtetasit I. R., kanë vjedhur një çantë, në të cilën kishte disa karta dhe një shumë monetare. Më datë 29.07.2016, në banesën e shtetases B. K., kanë marrë një shumë monetare dhe disa bizhuteri. Më datë 30.07.2016, në banesën e shtetasit O. S., kanë vjedhur një shumë monetare dhe disa bizhuteri. Më datë 22.08.2016, shtetases M. S., kanë tentuar ti vjedhin çantën. Më datë 23.08.2016, shtetases N. C., i kanë vjedhur çantën bashkë me disa sende personale. Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprën penale të “Vjedhje e mbetur në tentativë”.
ma.me
