Policia e Tiranë ka vënë në pranga një 24 vjeçar i cili vidhte telefona në kryeqytet. Ndryshe nga hajdutët e tjerë E.XH përdorte një mënyrë krejt tjetër për të vjedhur celularët.
Ai i ruante vajzat dhe gratë dhe gjente një moment për t’ua marrë nga duart kur ato flisnin në telefon ose kur ishin të pavëmendshme. 24 vjeçari në rrugën “Petro Nini Luarasi”, i ka marrë nga dora një vajze 21 vjeç telefonin e markës “Samsung”.
Gjithashtu një gruaje 44 vjeç në rrugën “Shyqyri Ishmi” i ka marrë telefonin e markës “Iphone 6”. Pasi u merrte telefonin E.XH largohej me vrap në drejtim të rrugicave. Por të dyja këto raste janë dokumentuar nga Policia e Tiranës, ç’ka ka bërë që 24 vjeçari të arrestohet shkruan Shqiptarja. Në momentin e arrestimit atij i është gjetur edhe telefoni “Samsung”, që i kishte vjedhur një vajze në rrugën “Petro Nini Luarasi”. Ai do të akuzohet për vjedhje./a.m.
