Arrestohet 21-vjeçari që të dielën me datë 5 mars ka tentuar të grabisë një bankë në kryeqytet. Policia ka arrestuar Nazmi Çakën i cili rezulton me precedentë të mëparshëm penalë. Çaka është i dënuar më parë për tentativë vjedhje ndërsa tashmë i shtohet edhe një tentativë për grabitje.
I riu ka kryer veprimet vetëm për 20 sekonda. Ai ka thyer xhamat e bankës me gurë, është futur brenda por nuk ka marrë asgjë pasi s’ka gjetur paratë. Sipas policisë, autori ka kontrolluar sirtarët e bankës por pa mundur që të marrë gjë. Gjithçka ka ndodhur në 20 sekonda dhe autori është larguar duarbosh, ndërkohë që kishte rënë alarmi i bankës.
ma.me
