Policia e Tiranës ka arrestuar një 55-vjeçar i cili ushtronte dhunë ndaj bashkëshortes.
Më datë 25.05.2017, Shërbimet e Komisaraitit të Policisë Nr 3, kanë arrestuar në flagrancë shtetasin Fitim L., 55 vjeç, banues në Tiranë. Ky shtetas në mënyrë sistematike ushtronte dhunë psikologjike dhe fizike ndaj bashkëshortes së tij, shtetases Z. L., e cila ka bërë kallzim pranë Komisariatit të Policisë Nr. 3. Gjithashtu gjatë kontrollit të banesës i janë gjetur dhe sekuestruar në cilësinë e provës materiale, një armë zjarri tip pistoletë TT, me një krëhër dhe 18 fishekë,.
Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprat penale “Dhuna në familje” dhe “Prodhimi dhe mbajtja pa leje e armëve luftarake dhe e municionit”, parashikuar nga Nenet 130/a dhe 278 të Kodit Penal. /ma.me
