Një ngjarje e rëndë kriminale ka tronditur Tiranën gjatë orëve të paradites. Një person është plagosur me armë zjarri në zonën e stadiumit “Selman Stërmasi”.
Paraprakisht u raportua se biznesmeni ndërroi jetë, por burimet spitalore saktësuan se shtetasi Tefik Hyka mbërriti në spital i plagosur rëndë dhe i është nënstruar ndërhyrjes kirurgjikale.
I plagosuri u qëllua në kokë me një arme me silenciator. Ndaj tij hapën zjarr teksa po konsumonte kafe në një lokal. Referuar dinamikës së ngjarjes, rezulton se autorët e ndiqnin prej kohësh Hykën dhe kanë pritur momentin kur ai doli nga lokali.
Ngjarja e rëndë ka ndodhur rreth orës 10.25 minuta ndërkohë autorët janë larguar me shpejtësi me një motor. Pak minuta më vonë, raportohet se policia ndaloi në zonën e “Komunës së Parisit” një person të dyshuar.
Ndërkohë drejtori i policisë së Tiranës Ardi Veliu deklaroi se janë shoqëruar disa persona por nuk dha detaje nëse mes të shoqëruarve është edhe atuori apo autorët.
Hetimet, Hyka i përfshirë në ekzekutimin e të fortit të Shijakut
Hetimet e policisë për ngjarjen janë të fokusuara në pistën e hakmarrjes për një ngjarje të ndodhur në vitin 1995. I plagosuri Tefik Hyka u akuzua për përfshirje në vrasjen e Dritan Avdylit i njohur si i forti i SHijakut. Kjo ngjarje pasoi disa krime më pas.
Një njrei i Hykës nga ‘4 Rruget e Shijakut’ futi në kurth Dritan Avdylin i cili u vra nga vrasësi me pagesë Durim Kusi. Njeriu që çoi në pritë Dritan Avdylin u eleminua në qendër të Shijakut nga djali xhaxhait te Dritan Avdylit. Ndërsa disa vite më pas Durim Kusi u vra në Tiranë nga djali tjetër i xhaxhait të Dritan Avdylit.
