Një plagosje me armë zjarri ka ndodhur ditën e sotme në Tiranë. Ngjarja ka ndodhur rreth orës 13:15 tek “Ushtari i Panjohur”, ku dy të rinj janë konfliktuar mes tyre.
Sherri mes tyre ka degraduar deri në përdorimin e armës, duke sjellë edhe plagosjen me armë të njërit prej tyre. Mësohet se konflikti mes tyre ka nisur që në zonën e “Sahatit” në qendër të kryeqytetit dhe më pas është zhvendosur tek “Ushtari i panjohur”.
I plagosuri mësohet se është i riu Martin.I teksa bëhet e ditur se ai është plagosur në këmbë dhe është jashtë rrezikut për jetën Ndërkohë nuk dihet identiteti i autorit i cili është larguar nga vendi i ngjarjes teksa është shpallur në kërkim.
Policia e mbërritur në vendngjarje ka nisur punën për zbardhjen e saj dhe arrestimin e të riut.