Në kryeqytet do të ketë edhe një shesh tjetër në të cilin qytetarët do të mund të festojnë gjatë këtij muaji. Bëhet fjalë për parkun përballë stadiumit Selman Stërmasi në të cilin do të zhvillohen aktivitete të ndryshme me një bazë ditore.
Kreu i Bashkisë Erjon Veliaj tha se përveç sheshit Skëndërbej dhe Nënë Tereza, edhe parku përballë stadiumit Dinamo do të ofrojë aktivitete për qytetarët e kryeqytetit.
“Më vjen mirë që fryma e festave po shpërndahen në çdo lagje të Tiranës. Përveç sheshit ‘Skënderbej’ dhe sheshit ‘Nënë Tereza’, edhe ky shesh është kthyer sot në një hapësirë fantastike për komunitetin. Kjo do të thotë se kur bashkia do, bashkia mundet”, tha Veliaj.
