Kryetari i Këshillit Bashkiak të Tiranës, Aldrin Dalipi ka sqaruar vendimin e Këshillit Bashkiak për të kaluar administrimin e parkut ‘Rinia’ në administrim të Agjencisë së Parqeve si dhe akuzave të opozitës se parku mund të tjetësohet dhe se mund të ketë ndërtime apo kioska.
I ftuar në rubrikën ‘Opinion’ në News24, Aldrin Dalipi tha se agjencia do kujdeset për mirëmbajtjen e parkut dhe se çdo gjë është transparente. Dalipi tha se nuk ka ndonjë skenar apo vendim që është në dëm të qytetarëve dhe tjetërsimi i Parkut nuk mund të bëhet pa miratimin e Këshillit Bashkiak.
“Parku ‘Rinia’ kalon në Administrim të Agjencisë së Parqeve që do kujdeset për parkun dhe qe ai të mos ketë degradim. Çdo gjë është transparente dhe njerëzit do përdorin vete parkun. Edhe mirëmbajta edhe gjelbërimi janë pjesë e parkut dhe jo vetëm ata që banojnë afër parkut mund ta administrojnë, por parku do jetë i aksesueshëm edhe për agjencinë.
Ne morëm një vendim sot për të kaluar parkun në administrim të Agjencisë së Parqeve. Aty nuk mund të ndryshojë asgjë dhe nuk mund të ketë tjetërsim pa miratim të Këshillit Bashkiak. Nuk ka ndonjë skenar apo vendim që është në dëm të qytetarëve. Kjo pronë thjesht do administrohet dhe është në sy të qytetarëve. Jam i bindur që do ketë një hov cilësor administrimi i parkut nga Agjencia”- tha Dalipi.
a.c
