Një grua në Tiranë e ka gjetur veten nën presion dhe siklet, pas kërcënimeve me të cilat është përballur.
50- vjeçarja R.D., banuese në Tiranë, kallëzon se në rrjetin social Facebook, persona të paidentifikuar kanë hapur adresë false në emër të saj dhe e kanë kanosur se do të publikonin fotografi të sajat.
Gruaja ka thënë në polici se në kërcënimet e marra po në Facebook i kanë thënë se, “Nëse nuk do të na paguash me para, fotografi të tuat do përfundojnë të publikuara”.
E dëmtuara tha para uniformave blu se nga sikleti se çfarë mund t’i ndodhte ka bërë denoncim në polici, me synim gjetjen e kërcënuesve të saj.
Aktualisht vijon puna për identifikimin dhe kapjen e autorit, ndërsa për ndjekje të mëtejshme lidhur me këtë ngjarje materialet i’u referuan Prokurorisë së Tiranës./noa./a.k
